Македонскиот прволигаш Ренова продолжува со реконструкцијата на составот во пресрет на пролетната полусезона во Првата македонска фудбалска лига. Ангажирани се уште две нови засилувања, Фатјон Јусуфи и Арбен Тафа. Тие ќе му донесат свежина, но и искуство на тимот на Ќатип Османи.

„Гипсарите“ направија неколку промени во ростерот. Досега пристигнаа Перез, Гајиќ и Алити, сега се приклучија и Јусуфи и Тафа, а од Ренова заминаа Валон Незири, Артан Велиу, Арменд Алиу, Алтин Сефо и Сулејман Кулибали.

Првата фаза од подготовките тимот на Ренова го одработува во Тетово, а потоа ќе замине на охридското крајбрежје.