Ангеловски: Браво за момците, покажаа дека Македонија никогаш не се предава

Македонија и со играч помалку не се предаде и успеа да извлече реми (1-1) против Грузија иако беше во речиси загубена позиција. Но, Езгјан Алиоски со гол од пенал во 93.минута донесе бод и ја задржа Македонија на првото место во групата. Кварацкелија во 75.минута ја доведе Грузија во водство, откако Столе Димитриевски беше исклучен седум минути претходно. 

Селекторот Игор Ангеловски е задоволен што Македонија покажа карактер и не се предаде.   

„Овој меч покажа дека Македонија никогаш не се предава. Без разлика што имавме играч помалку издржавме, но се вративме и повторно покажавме карактер. Големо браов за сите почнувајќи од капитенот и се до крај. Не е лесно да се играат три натпревари во низа. Ја остваривме целта. Го добивме Косово и останавме први и по овој натпревар. За следната средба против Грузија ќе размислуваме потоа“, изјави Игор Ангеловски. 

Тој не сакаше да упати критики кон Столе Димитриевски за несмасната интервенција.

„Јас никогаш не критикуван индивидуално, ја му сугерирав со нога да исфрли, мислам дека ме слушнавте“, посочи селекторот на нашиот национален тим.

Фото: ФФМ - Петр Стојановски