Македонија без Висар Муслиу на два меча, ама не и против Косово

Македонскиот репрезентативец Висар Муслиу нема да смее да игра два натпревари од тековниот циклус во Лигата на нации за црвениот картон што го заработи на мечот против Грузија. Сепак, оваа суспензија нема да важи за плејоф дуелот против Косово што е закажан за 8.октомври. Тоа е голема шанса на Македонија за пласман на Европското првенство 2021 година.

Муслиу доби црвен картон по еден час игра на мечот против Грузија во Тбилиси, но и без него националниот тим успеа да остане непоразен на ова гостување.