Брегалница ги почна подготовките: Со две квалитетни засилувања на стартот од преодниот рок (ФОТО)

Фудбалерите на Брегалница и официјално ги стартуваа подготовките за пролетниот дел од сезоната во Втората лига - Исток.

Шефот на стручниот штаб Добринко Илиевски, по вчерашниот прв собир, денеска на игралиштето во Бело Брдо го одработи првиот зимски тренинг со тимот во чии редови беа и првите две засилувања за продолжението од шампионатот, младинскиот репрезентативец Кристијан Ацковски кој пристигна од Работнички и крилниот офанзивец Дарко Додев кој дојде од Силекс.

Наредниве денови, според програмата на стручниот штаб, ќе се работи со двојни тренинзи, комбинирано на терен и со фитнес активности за физичка подготовка.



Брегалница веќе ги договори и првите две пријателски средби, со Борец во Велес на 23. јануари и со Пелистер во Штип на 31. јануари. На 2. февруари екипата заминува на подготовки во Анталија, Турција, каде до 15. февруари е планирано одигрување и четири пријателски средби.

Генералката пред стартот на пролетната сезона е планирана на 22. февруари против Каменица Саса. Вториот дел од првенството во Втората лига - Исток стартува на 29. февруари со пресметката против Кит Го.

Промовирај се

Пополнете ја оваа форма за пријава во која доброволно внесените податоци ќе ви помогнат да се претставите и да бидете препознаени од квалитетен клуб.
Триумф за Борец против десеткуваниот Вардар
08.08.2020
Борец го совлада Вардар со 0-1 во премиерниот меч од новата сезона 2020/21 во Првата фудбалска лига. Никола Радовиќ беше стрелец на победничкиот гол за велешани уште во втората минута од натпреварот. Тој одлично се снајде во протовнилкиот шеснаесетник откако доби длабинска топка од Фернандо, излезе сам пред Филип Илиќ и успеа да ја затресе мрежата.
Види детали