Чурлинов го избра и бројот на дрес во Штутгарт

Дарко Чурлинов го комплетираше трансферот од Келн во Штутгарт, избирајќи го дресот со број 19 што младинскиот репрезентативец на Македонија ќе го носи во вториот дел од сезонава во рамките од втората германска лига. Младиот напаѓач не ја доби посакуваната минутажа во првиот тим на Келн, реши да си замине од таборот на „овните“, а од неколкуте интересни понуди ја избра онаа на Штутгарт, потпишувајќи договор до 2024 година.

„Пресреќен сум што сум овде, стопроцентно сум мотивиран да дадам се од себе за Штутгарт. Сакам да му помогнам на тимто, да сторам се што е потребно за да бидам од помош во битката за влез во елитата. Од првиот момент бев топло пречекан од соиграчите, сега сакам уште подобро да ги запознаам сите членови на тимот“, изјави Чурлинов по потписот на договор.

Дарко Чурлинов влезе во игра за Келн во првото коло од новата сезона, во првата Бундес-лига. Потоа тој настапи на девет средби за втората екипа на Келн во четвртата германска лига, постигнувајќи шест гола и две асистенции. 

Промовирај се

Пополнете ја оваа форма за пријава во која доброволно внесените податоци ќе ви помогнат да се претставите и да бидете препознаени од квалитетен клуб.
Триумф за Борец против десеткуваниот Вардар
08.08.2020
Борец го совлада Вардар со 0-1 во премиерниот меч од новата сезона 2020/21 во Првата фудбалска лига. Никола Радовиќ беше стрелец на победничкиот гол за велешани уште во втората минута од натпреварот. Тој одлично се снајде во протовнилкиот шеснаесетник откако доби длабинска топка од Фернандо, излезе сам пред Филип Илиќ и успеа да ја затресе мрежата.
Види детали