Младите фудбалери ремизираа со Кипар

Македонската репрезентација за фудбалери до 15 години одигра 1:1 против врсниците од Кипар, на првиот пријателски натпревар од закажаниот двомеч со овој ривал.

Нашата младинска репрезентација предводена од Тони Јакимовски поведе со 1:0 во 64. минута со погодокот на Арбин Курти, а домашните фудбалери израмнија десет минути подоцна. На две минути до крајот од натпреварот, кипраните од пенал имаа шанса за победа, но ја погодија стативата од голот на Давид Стојановиќ.

Нашата селекција преку Зани, Стојилевски и Талевски имаше одлични шанси за втор погодок, но не беа искористени, а посебно „зицерот“ за израмнување преку Никола Талевски во последните минути од дуелот.

В четврток од 14:30, двете репрезентации ќе го одиграат вториот контролен натпревар.
 

Македонија до 15 години: 1. Давид Стојановиќ, 3. Зоран Фидановски, 5. Марко Стојилевски, 4. Симеон Здравковски, 2. Матеј Јаневски, 19. Горјан Цветков, 8. Мартин Ѓорѓиевски, 10. Азис Јамини, 11. Мухамед Елмас, 14. Кире Стојанов, 17. Зани Назифоски;

12. Илија Апостоловски, 13. Бесник Небиу, 18. Андреј Аризанковски, 6. Стефан Тодоровски, 20. Александар Трајчевски, 16. Амир Нухија, 15. Никола Величковски, 7. Арбин Курти, 9. Никола Талевски;

Промовирај се

Пополнете ја оваа форма за пријава во која доброволно внесените податоци ќе ви помогнат да се претставите и да бидете препознаени од квалитетен клуб.
Аријан Адеми пред трансфер во Ал Наср
27.01.2020
Македонскиот репрезентативец Аријан Адеми го напушта Динамо Загреб и се сели во Обединетите Арапски Емирати. Тој е на прагот на трансфер во Ал Наср.
Види детали