Македонија остана на 68. место на најновата ФИФА ранг листа

Македонската репрезентација, по поразот од Австрија и победата над Израел во ноемвриските натпревари од квалификациите за ЕВРО 2020, остана на 68. место и на најновата ФИФА ранг листа објавена денеска.

Македонија со 1338 бода е на 68. место. Нашиот противник во полуфиналето од Лигата на нации, Косово забележа пад од една позиција и сега е 114 фудбалска сила во светот. Потенцијалните противници во финалето во баражот за ЕВРО 2020, Белорусија е 87 на листата, додека Грузија е 91.

На врвот во првите пет нема промени. Белгија е прва, пред Франција, Бразил, Англија и Уругвај. Хрватска забележа скок од едно место и сега е шеста, на сметка на Португалија која е седма, а во топ десет уште се и Шпанија, Аргентина и Колумбија.

Промовирај се

Пополнете ја оваа форма за пријава во која доброволно внесените податоци ќе ви помогнат да се претставите и да бидете препознаени од квалитетен клуб.
Триумф за Борец против десеткуваниот Вардар
08.08.2020
Борец го совлада Вардар со 0-1 во премиерниот меч од новата сезона 2020/21 во Првата фудбалска лига. Никола Радовиќ беше стрелец на победничкиот гол за велешани уште во втората минута од натпреварот. Тој одлично се снајде во протовнилкиот шеснаесетник откако доби длабинска топка од Фернандо, излезе сам пред Филип Илиќ и успеа да ја затресе мрежата.
Види детали