Велковски: Сега на победа против Израел за успешен крај на квалификациите

Поразот од Австрија можеби беше „очекуван“, а сега следи дуелот што на Македонија може да и го донесе третото место во квалификациската група, во вторник против Израел во Скопје. Триумф над Израелците и победа на Полска над Словенија за нашиот национален тим ќе значи и најдобар пласман во еден квалификациски циклус.

Дефанзивецот Дарко Велковски вели дека шансите се 50-50, но се надева дека Македонија ќе успее да стигне до посакуваната победа и до третата позиција на крајот од квалификациската група.

„Израел е квалитетна селекција, шансите се 50-50. Но, со добар пристап и добра подготовка можеме да ги победиме во Скопје. Соте се надеваме на една таква завршница на овие квалификации, пласманот на третото место е нашата цел“, вели Дарко Велковски.

Тој признава дека одбраната погреши за првиот погодок на Австријците.

„Наша е грешка е тоа, не се поставивме добро, не очекувавме такво додавање. Но, Австријците одлично тоа го одиграа. Во првото полувреме се играше многу повеќе во нашето поле, а потоа се ослободивме и создадовме неколку шанси во вториот дел. На крајот постигнавме и погодок. Може да се каже дека солидно се претставивме иако никогаш не е пријатно кога ќе се загуби. Но, со толку многу проблеми, можеби и јавноста не очекуваше премногу од нас. Мислам дека сепак добро се претставивме против фаворизираната Австрија. Сега тоа го оставаме зад нас и се фокусираме на последниот меч од квалификациите против Израел“, изјави репрезентативниот стопер.

Промовирај се

Пополнете ја оваа форма за пријава во која доброволно внесените податоци ќе ви помогнат да се претставите и да бидете препознаени од квалитетен клуб.
Работнички не отпатува на подготовки во Охрид поради позитивен случај на коронавирус
12.07.2020
ФК Работнички не отпатува на подготовки во Охрид откако се појави фудбалер со позитивен тест на коронавирус, објави клубот на официјалниот сајт.
Види детали