Изов: Србија е реално подобра од нас, со триумфот над Казахстан ја исполнивме целта од овој двомеч

Женската фудбалска репрезентација на Македонија беше убедливо поразена од Србија (0-6) на вчерашниот квалификациски натпревар во Скопје. Селекторот Кирил Изов анализира дека освен квалитетот на ривалот, клучен момент е тоа што националниот тим во моментот уште не е подготвен да одигра стабилно два тешки квалификациски натпревари во низа.

„Откако слегнаа впечатоците после натпреварот против Србија, можам да кажам дека и покрај поразот, кој според мене и според повеќето што го гледаа натпреварот е нереален, не треба премногу да се разочаруваме. Пораз е пораз и како таков мора да го прифатиме и да извлечеме поуки. Факт е дека во моментов Србија е подобра во многу сегменти на фудбалската игра од нас, што не значи дека ќе беше ист резултатот ако влезеше во гол една од трите стативи што ги погодивме. Примивме два наивни гола на почетоците на првото и второто полувреме и после беше многу тешко да се вратиме во натпреварот. Исто така,мораме да бидеме реални и да признаеме дека во моментов не сме подготвени да играме два тешки натпревари за три дена бидејќи немаме таков широк ростер за ротација на играчи“, анализира селекторот на женскиот национален тим.

Сепак, триумфот над Казахстан треба да реперот како да се продолжи во иднина.

„Таргетот на овој собир за двата натпревари беше првиот дуел со Казакстан, кој го добивме, што значи дека ја остваривме целта. Победивме после шест години на еден натпревар, ја прекинавме црната серија и затоа не треба да бидеме разочарани. Оваа репрезентација се развива и ќе има уште убави моменти како со Казакстан“, истакнува Кирил Изов.

Промовирај се

Пополнете ја оваа форма за пријава во која доброволно внесените податоци ќе ви помогнат да се претставите и да бидете препознаени од квалитетен клуб.
Андрески: Работнички да тргне напред уште од Чаир
22.10.2019
Работнички утре (14.30 часот) ќе му гостува на Шкупи во Чаир, а новиот тренер Марјан Андрески ќе го има дебито како шеф на стручниот штаб. По поразот од Струга Трим Лум, Александар Влахо понуди оставка која беше прифатена од раководството, а промената на клупата треба да претставува еден вид шок-терапија за фудбалерите.
Види детали