У-17: Станковски избра за квалификацискиот турнир за пласман на ЕП

Македонската репрезентација до 17 години на 5. октомври заминува за Полска на квалификацискиот турнир за пласман во eлитнаta фаза за Европско првенство. Нашата селекција ќе се соочи со репрезентациите на Полска, Белгија и Лихтенштајн.

„Групата во која се наоѓаме е исклучително силна. Белгија и Полска се фаворити, белгијците доаѓаат од првиот барабан, имаат многу силна генерација, додека Полска како домаќин на турнирот, исто така ќе ја бара својата шанса за највисок пласман. На хартија двете селекции се фаворити, но тоа не значи дека ќе се предадеме однапред. Напротив, напорно работевме во изминатите седум месеци, сметам дека имаме свои адути и ќе се обидеме на секој начин доколку ни се укаже шанса да ја искористиме. Позитивни сме, иако двајца фудбалери поради повреда нема да бидат со нас, сепак мислам дека направивме добра анализа и мораме да бидеме оптимисти во пресрет на турнирот“ – вели селекторот Горан Станковски.

Македонската репрезентација отвора против домаќинот на турнирот, Полска на 9. октомври во Торун, на 12. октомври играме со Белгија, дедека три дена подоцна квалификацискиот турнир го затвораме против Лихтенштајн.

Селекторот Горан Станковски за трите натпревари преку кои Македонија до 17 години ќе бара место во Елитна фаза квалификации за ЕП ќе смета на следните фудбалери:

Голмани: Стефан Митрев (Арау, Швајцарија), Душан Герасимовски (Работнички), Лука Стојковски (Вардар);

Одбрана: Љавдрим Ибраими (Работнички), Резарт Коколари (Аѕури, Швајцарија), Борче Гогов (Академија Пандев), Филип Ѓорговски (Вардар), Самет Реџепи (Шкупи), Кристијан Тасески (Аугзбург, Германија);

Среден ред: Октај Ракипи (Шкендија), Албин Лимани (Солотурн, Швајцарија), Дарко Стојановски (Академија Пандев), Христијан Георгиевски (Работнички), Мартин Талаков (Академија Пандев), Андреј Стојчевски (Вардар);

Напад: Бехар Фета (Фортуна), Филип Трпчевски (Хакен, Шведска), Албин Таипи (Ренова), Емир Саитовски (Домжале, Словенија), Елези Дашмир (Шкендија), Љупче Кудев (Брегалница).

Промовирај се

Пополнете ја оваа форма за пријава во која доброволно внесените податоци ќе ви помогнат да се претставите и да бидете препознаени од квалитетен клуб.
Андрески: Работнички да тргне напред уште од Чаир
22.10.2019
Работнички утре (14.30 часот) ќе му гостува на Шкупи во Чаир, а новиот тренер Марјан Андрески ќе го има дебито како шеф на стручниот штаб. По поразот од Струга Трим Лум, Александар Влахо понуди оставка која беше прифатена од раководството, а промената на клупата треба да претставува еден вид шок-терапија за фудбалерите.
Види детали