Фијаско на Летонија пред Македонија, Словенците ја решија „енигмата Полска“

Полска го претрпе првиот пораз во овие квалификации, додека Австрија ја декласираше Летонија во преостанатите две средби од петтото коло во групата во која се наоѓа и репрезентацијата на Македонија. Пријатно изненадија Словенците, кои со максимално дисциплинирана игра го натераа полскиот национален тим на прва капитулација. Струна го натера Шчешни на прва капитулација по еден корнер од левата страна, а Шпорар од контранапад зголеми на 2-0, шок по кој Полјаците не успеаја да се вратат.

Летонија претрпе катастрофален пораз од 6-0 на гостувањето против Австрија, во пресрет на понеделничкиот дуел во кој „фенерџијата“ во групата ќе ја пречека Македонија. Арнаутовиќ со два гола ја предводеше Австрија во овој убедлив триумф, во кој меѓу стрелците се запишаа и Сабицер, Илсанкер, Лаимер и Грегорич.

Полска и покрај поразот е на врвот на табелата со 12 бода, Австрија е втора со девет, пред Словенија и Израел со по осум бода на своето салдо. Македонија е петтопласирана со пет бода, пред Летонија, која претрпе порази во своите пет досегашни средби од овие квалификации.

Во следното коло в понеделник се среќаваат Летонија - Македонија, Полска - Австрија и Словенија - Израел.

Промовирај се

Пополнете ја оваа форма за пријава во која доброволно внесените податоци ќе ви помогнат да се претставите и да бидете препознаени од квалитетен клуб.
МАКФУДБАЛ - ТИМ НА 5. КОЛО!
16.09.2019
Академија Пандев и натаму продолжува со одличните изданија на стартот од новата сезона. Со триумф над Ренова и по пет одиграни рунди „пандевци“ ја задржаа предноста на врвот од табелата. Вардар се враќа активно во игра по триумфот над Струга ТЛ, а 5. коло конечно донесе победа и за Шкендија во шампионатот. Сега „романтичарите“ се последнопласирана
Види детали