Брегалница убедлива против Осогово... (ФОТО)

Фудбалерите на Брегалница на повеќе од убедлив начин го одиграа првиот натпревар пред своите навивачи во новата сезона, славејќи со 5-0 (1-0) во 2. коло од Втората лига - Исток на соседското дерби против Осогово.

Составот на Добринко Илиевски од првите моменти на средбата ја покажа сопствената моќ јасно навестувајќи ја цврстата определба да се дојде до трите бода на мечот кој се одигра во извонредна атмосфера пред околу 3.000 љубители на фудбалот од Штип и регионот.

По почетната иницијатива Брегалница до предноста дојде уште во 19. минута. По одличното нафрлање пред голот на гостите, Пепи Ѓоргиев највисок во скокот со глава ефектно од 7-8 метри стрелаше под гредата на гостинскиот голман.

Веќе во 21. минута нова одлично можност за „сините“ по шутот на Велинов, но погодок спречи гредата од голот на Осогово. Гостите во 32. минута ја имаа првата можност но Костовски со глава шутираше за малку покрај левиот дирек од голот на Давор Талески. Во 35. минута, Мичковски одлично проби по левата страна, го проигра Велинов чиј удар од десеттина метри Јовановски извонредно го одбрани спречувајќи зголемена предност за Брегалница.



Само што почна второто полувреме веќе 2-0 за Брегалница. Во 49. минута одлична акција по левата страна на Мартин Стојанов кој извонредно нафрли, а на 12 метри Пеп Ѓоргиев мајсторски со волеј удар носи водство од 2-0.

Се во продолжението беше во знакот на момците во сино. Па, во 60. минута по нафрлањето на Велинов од корнер, Јован Манев со небески скок и извонреден гол со глава ја заби „топката“ во мрежата на гостинскиот гол за 3-0.

По само три минути, веќе во 63. минута и 4-0 за штипјани. Стојанче Велинов одлично прифати еден „отпадок“ пред голот на гостите по одбиената топка од Јовановски и рутински од десеттина метри погоди во празната мрежа.

И ревијата на голови на Градскиот стадион во Штип ја заокружи Иван Настевски во 84. минута, кој запиша вистинско ремек-дело со прекрасен шут од повеќе од 20 метри откосо од десната страна стрелајќи во горниот лев агол од голот на Осогово. Сето тоа за заокружена „петарда“ за кочанци.



БРЕГАЛНИЦА - ОСОГОВО 5-0 (1-0)
Стрелци: П. Ѓоргиев 19', 49', Манев 60', Велинов 63', Настевски 84'

Промовирај се

Пополнете ја оваа форма за пријава во која доброволно внесените податоци ќе ви помогнат да се претставите и да бидете препознаени од квалитетен клуб.
Стојановски: Секако сум среќен што дебитирав со гол во националниот дрес
16.11.2019
Офанзивецот на француски Ним, Влатко Стојановски имаше одлично деби во дресот на Македонија. И покрај поразот од Австрија од 2-1 во Виена, Стојановски се издвои како најдобра алка во тимот на Игор Ангеловски запишувајќи го и својот деби гол во националниот дрес.
Види детали