Влахо: Слабата реализација придонесе да загубиме во Струга

Работнички со пораз (2-1) од Струга Трим Лум ја стартуваше новата сезона во Првата фудбалска лига. „Романтичарите“ имаа многу шанси, но не успеаја да реализираат од изгледни позиции. Тоа на крајот се покажа како кобно. 

На Александар Влахо и на фудбалерите сега им останува да анализираат и да ги корегираат грешките за натпреварот во следното коло.

„Никој не посакува пораз на стартот. Резултатски секако не можеме да бидеме задоволни. Но, играта беше на задоволително ниво, создадовме неколку одлични шанси, единствено потфрливме во реализацијата. Моравме да бидеме поефикасни, создадовме 6-7 убави можности пред противничкиот гол. Честитки за тимот на Струга Трим Лум за триумфот, ние останува да ја подобриме реализацијата, а верувам дека ќе биде многу поинаку веќе на следниот натпревар кога ќе го имаме на располагање и новото засилување Станиша Крстевски. Се надевам дека до крајот на преодниот рок ќе доведеме уште едно или две засилувања и Работнички ќе игра значајна улога во шампионатот“, изјави шефот на стручниот штаб, Александар Влахо, за официјалниот сајт на клубот.

Работнички во второто коло на домашен терен ќе го пречека составот на Шкупи.          

 

Промовирај се

Пополнете ја оваа форма за пријава во која доброволно внесените податоци ќе ви помогнат да се претставите и да бидете препознаени од квалитетен клуб.
Ќе се вратат ли насмевките во Шкендија? По триумф против Македонија ЃП
25.08.2019
Шкендија е со очаен старт на сезоната во Првата македонска фудбалска лига, два порази во првите две кола, па затоа и нема друг избор освен да атакува на прв триумф на денешниот дуел од 3. коло против Македонија ЃП во Тетово. Слабата реализација на шансите е главната причина за лошите резултати на Шкендија, ќе мора овој сегмент значително да го попр
Види детали