Каран: Шкупи сака пласман во следното коло, не се плашиме од Пјуник

Шкупи утревечер го пречекува Пјуник во реванш меч од првото квалификациско коло во Лигата на Европа со надеж дека може да се пласира во следната рунда. Има позитивни 3-3 од првиот меч во Ереван.      

„Нема да калкулираме и да играме на 0-0. Пјуник е квалитетен тим, но ние имаме добар резултат од првиот меч и не се плашиме. Ќе играме дома, пред нашите навивачи и сакаме победа“, изјави Умит Каран, тренерот на Шкупи. 

Капитенот Муарем Бајрами вели дека Шкупи сега го очекува потежок меч, од гостувањето во Ерменија.    

„Ќе биде двојно потешко утре. Имаме добар резултат, но ќе треба да одиграме уште подобро на утрешниот реванш. Сакам да ги израдуваме „Шверцерите“ и да се пласираме понатаму во Лигата на Европа. Пјуник е добар тим, нашите тимови имат негативна традиција со овој ерменски клуб, но време е да ја прекинеме. Со поддршка од навивачите, кои се наше најсилно оружје, можеме до успех“, изјави Бајрами.

Промовирај се

Пополнете ја оваа форма за пријава во која доброволно внесените податоци ќе ви помогнат да се претставите и да бидете препознаени од квалитетен клуб.
Официјално: Првата лига ќе заврши со плеј-оф и плеј-аут, ПМФЛ следната сезона со 12 екипи
29.05.2020
​Согласно очекуваното, Управниот одбор на ФФМ денеска и официјално донесе одлука за продолжување на сезоната во ПМФЛ согласно форматот за кој се изјаснаа мнозинството прволигаши, со плеј-оф и плеј-аут, без испаѓање.
Види детали