На најдобар можен начин затворени фудбалските кампови на „Реал Мадрид Клиник“ во Скопје, Штип и Кавадарци (ФОТО)

Реал Мадрид Фондација преку лиценцираниот партнер во Македонија, „Еуроспорт Арена“ на најдобар можен начин го заокружи проектот со организација на фудбалски кампови со фудбалските клубови од нашата земја. Честа да бидат организатори оваа година во проектот „Реал Мадрид Фондација Клиник“ ја имаа прволигашот Работнички и второлигашките клубови Кит-Го и Тиквеш.

„По незаборавните доживувања со претходните два кампа, „Real Madrid Foundation Campus Experience“ во Скопје и во Охрид, изминативе пет дена заокруживме на најдобар можен начин уште еден нов проект. Според принципите на „Реал Мадрид Фондација Клиник“, младите фудбалери од македонските клубови и школи во Скопје, Штип и Кавадарци имаа можност да уживаат во уникатен пристап за обука и спортски вредности стекнувајќи се со неверојатно фудбалско искуство, а притоа со вклучени и тренери од фудбалските клубови Работнички, Кит-Го и Тиквеш. На крајот на сите учесници на трите кампа им беа доделени признанија и дипломи“ – вели Влатко Тодев, првиот човек на „Еуроспорт Арена“.



На последниот ден од тренинг кампот на „Реал Мадрид Фондација Клиник“ во Штип присутен беше и градоначалникот Благој Бочварски кој искажа задоволство што градот заедно со ФК Кит Го, како организатор, доби ексклузивна можност за организација на еден ваков камп кој без сомнение носи значаен придонес во развојот на фудбалската игра во регионот.

Промовирај се

Пополнете ја оваа форма за пријава во која доброволно внесените податоци ќе ви помогнат да се претставите и да бидете препознаени од квалитетен клуб.
Муслиу: Елиминацијата боли, но мораме да ја „излечиме“ со победи
17.07.2019
Шкендија е елиминирана уште на стартот од квалификациите во Лигата на шампионите. Загуби на домашен терен во Скопје од Номе Калју со 1-2 на домашен терен, па не помогна ниту триумфот (0-1) на првиот натпревар во Талин.
Види детали