Фиорентина прва со понуда за Несторовски

Илија Несторовски повторно се наоѓа во центарот на италијанската фудбалска берза, откако македонскиот голгетер стана достапен по намалена цена по испаѓањето на Палермо во „Серија Ц“. Нестор-гол сакаше да помогне тимот да се врати во елитното друштво, но откако административно Палермо беше преселен во третата лига, јасно е дека тој ќе биде меѓу првите што летово ќе ги промени клуските бои.

Фиорентина е најконкретна во обидите да го ангажира Несторовски, откако „виолетовите“ веќе подготвиле понуда што планираат да ја испратат до крајот на оваа седмица. Целта на директорот Корвино е јасна, да го осигура потписот на Несторовски за сума од околу 2,5 милиони евра, многу пониска од онаа што Зампарини ја бараше за Македонецот во последните две години. Во Фиорентина се свесни дека во трката ќе се вклучат уште неколку клубови, па токму затоа „виолетовите“ ќе се обидат целиот трансфер да го комплетираат уште додека трае актуелната сезона.

Покрај Несторовски, од Палермо дефинитивно ќе си замине и Александар Трајковски, за кого интерес покажуваат неколку екипи од Италија, Белгија и од Холандија.

Промовирај се

Пополнете ја оваа форма за пријава во која доброволно внесените податоци ќе ви помогнат да се претставите и да бидете препознаени од квалитетен клуб.
Џеват Елмас: За иднината на Елиф ќе одлучиме заедно со Фенербахче
24.05.2019
Во врска со големиот медиумски интерес околу можниот трансфер на Елиф Елмас и многуте шпекулации во јавноста, за првпат во јавноста, во официјален разговор за МАКФУДБАЛ се огласи неговиот татко и официјален агент г-дин Џеват Елмас.
Види детали