Младинското финале од Купот ќе се игра во Охрид, женското во Кочани

На денешната седница на Управниот одбор на Фудбалската федерација на Македонија беа одредени местата и термините за одигрување на финалните натпревари од Купот на Македонија во сите младински категории.

Покрај тоа, УО на ФФМ го прифати барањето од Агенцијата за млади и спорт за активна поддршка на проектот „Младинска картичка“ на АМС. Во иднина секој носител на младинска картичка ќе може да купи билет за натпреварите во организација на ФФМ (натпревари на македонската репрезентација и натпревари од Купот на Македонија) со попуст при купувањето на билетот од 25 проценти од утврдената цена;

ФФМ ја утврди и цената на билетот за финалето од Купот на Македонија. Билетите за натпреварот меѓу Македонија ЃП и Академија Пандев кој се игра на 22. мај на Националната арена „Тодор Проевски“ ќе чини 100 денари.

УО на ФФМ ги одреди местата и времето на одигрување на финалните натпревари во младински фудбал, женски фудбал и футсал од Купот на Македонија.

Помлади петлиња (2005) – 20. мај, 11:00 часот, стадион „Билјанини извори“, Охрид;
Петлиња (2004) - 20. мај, 17:00 часот, стадион „Билјанини извори“, Охрид;
Кадети - 21. мај, 11:00 часот, стадион  „Билјанини извори“, Охрид;
Младинци - 21. мај, 17:00 часот, стадион „Билјанини извори“, Охрид;
Пионери - 22. мај, 11:00 часот, стадион „Билјанини извори“, Охрид;
Помлади пионери - 29. мај, 11:00 часот, тренинг центар „Петар Милошевски“, Скопје;
Жени - 23. мај, 17:00, стадион„Никола Мантов“, Кочани;
Футсал - 01. јуни, 18:00, спортска сала „Јасмин“, Кавадарци.

Промовирај се

Пополнете ја оваа форма за пријава во која доброволно внесените податоци ќе ви помогнат да се претставите и да бидете препознаени од квалитетен клуб.
Џеват Елмас: За иднината на Елиф ќе одлучиме заедно со Фенербахче
24.05.2019
Во врска со големиот медиумски интерес околу можниот трансфер на Елиф Елмас и многуте шпекулации во јавноста, за првпат во јавноста, во официјален разговор за МАКФУДБАЛ се огласи неговиот татко и официјален агент г-дин Џеват Елмас.
Види детали