Шкупи настрада од разлутената Шкендија, Беласица му зеде бод на Вардар

Актуелниот првак Шкендија убедливо го совлада Шкупи на домашен терен со 5-1, а Беласица освои бод против Вардар во Маџари, 1-1. 

Омар Имери постигна хет - трик, а Арменд Алими прекрасен гол од далечина, а во листата на стрелците се запиша и Агим Ибраими. Почесниот гол за Шкупи го постигна Мухарем Бајрами во 85.минута.  

Вардар ремизираше против Беласица (1-1). Струмичкиот тим поведе против Вардар со 0-1, со голот на Георгиев во 36.минута. Но, „црвено-црните“ израмнија со погодокот на Реис Жуниор во 80.минута.   

Академија Пандев го совлада Работнички со 3-1. Сашко Пандев искористи голема грешка на гостинската одбрана во 33.минута и го отвори резултатот. Во второто полувреме, Љупчо Дориев го реализираше пеналот за кој самиот се избори во 63.минута, а Оливер Пеев намали на 2-1 во 76.минута. На крајот, Кристиојан Стојковски постигна трет погодок за Академија Пандев. 

Македонија ЃП ја совлада Ренова со 3-1. Дејан Тантуровски донесе предност од 2-0, со головите во 10. и во 12.минута. Бурхан Мустафов во 35.минута го намали резултатот, но Робсон да Силва во 54.минута го постави конечниот епилог.             

Марко Рајковиќ донесе триумф за Силекс на гости против Победа (0-1). Тој во 16.минута ја затресе мрежата на прилепскиот состав.
      

ПРВА ЛИГА, 31.КОЛО - РЕЗУЛТАТИ

ШКЕНДИЈА - ШКУПИ 5-1

ВАРДАР - БЕЛАСИЦА 1-1

МАКЕДОНИЈА ЃП - РЕНОВА 3-1

АКАДЕМИЈА ПАНДЕВ - РАБОТНИЧКИ 3-1

ПОБЕДА - СИЛЕКС 0-1


Табела: Шкендија 69, Вардар 58, Академија Пандев 50 (-1), Шкупи 42, Ренова 39, Работнички 39, Македонија ЃП 38, Силекс 34, Беласица 31, Победа 23 (-1). 

Промовирај се

Пополнете ја оваа форма за пријава во која доброволно внесените податоци ќе ви помогнат да се претставите и да бидете препознаени од квалитетен клуб.
Дарко Чурлинов од јануари ја продолжува кариерата во Штугарт!?
14.12.2019
​Младинскиот репрезентативец на Македонија, Дарко Чурлинов и дефинитивно заминува од Келн, пренесуваат дел од германските медиуми.
Види детали