Боби Милевски повторно селектор на младата репрезентација

Управниот одбор на Фудбалската федерација на Македонија на денешната седница во „Куќа на фудбалот“ донесе одлука на позицијата селектор на Македонија до 21 година повторно да го назначи Благоја Милевски.

„Ми беше важно отворено да разговараме со в.д. претседателот на ФФМ, Муамед Сејдини околу репрезентативните теми и му благодарам за разбирањето и довербата која заедно со Управниот одбор ми ја укажуваат. Се радувам на новите предизвици и можноста повторно да соработуваме, останува да се договорат одредени детали за официјализирање на соработката во однос на договорот. Свесен сум за ситуацијата која е пред нас, но не се плашиме, верувам во репрезентацијата, во момците и ќе бидеме подготвени за новите предизвици. Веројатно ова е една од најтешките задачи во мојата кариера, но тука сум, повик од националната репрезентација не се одбива. Квалитет постои, знам дека можеме да успееме и не би прифатил ангажман доколку не верувам во момците и во својата работа. Се надевам дека може да направиме резултат“ – изјави Благоја Милевски, кој како селектор ја предводеше Македонија до 21 година на Европското првенство во Полска 2017 година.

Задоволство од враќањето на Благоја Милевски во ФФМ нагласува и в.д. претседателот на ФФМ, Муамед Сејдини.

„Беше убаво да се потсетиме со Боби за сите прекрасни моменти во текот на неговата работа со репрезентацијата до 21 година, а пласманот на ЕП во Полска е доказ дека сите луѓе кои беа вклучени во таа приказна одлично ја завршија својата работа. Драго ми е што отворено разговаравме и за тоа што може да биде подобро во иднина и заеднички одиме во нови победи. Му посакувам многу успех, а верувам дека и среќата ќе биде на наша страна во следниот квалификациски циклус. Ние како федерација ќе овозможиме најдобри услови за работа и подготовка на тимот“ – изјави в.д. претседателот на ФФМ, Муамед Сејдини.

Управниот одбор на Фудбалската федерација на Македонија на денешната седница донесе одлука за спогодбено раскинување на договорот со Добринко Илиевски на местото селектор на репрезентацијата на Македонија до 21 година.

Промовирај се

Пополнете ја оваа форма за пријава во која доброволно внесените податоци ќе ви помогнат да се претставите и да бидете препознаени од квалитетен клуб.
„Тајмлес 2010“ и Горан Пандев: Шампионски прстен од Интер за Гранде Мачедоне (ФОТО)
25.05.2020
Најдобриот македонски фудбалер вечно ќе се сеќава на 2010, но ќе има шампионски прстен кој ќе го носи за спомен. Интер му подари шампионски прстен на Горан Пандев за фантастичниот успех што клубот го направи пред една деценија, кога го освои пехарот во Лигата на шампионите, но и трофеите во Серија А и во Купот на Италија.
Види детали