Божовиќ: Против Албанија ќе биде главната битка за првото место во групата

Македонската А футсал репрезентација од 31. јануари до 3. февруари ги игра натпреварите од предквалификацискиот турнир за пласман во Елитна рунда квалификации на Светското првенство. Во малата сала во спортскиот центар „Јане Сандански“, Македонија е домаќин на турнирот на кои ќе се соочиме со селекциите на Грција, Албанија и на Сан Марино.

Нашата репрезентација предводена од селекторот Иван Божовиќ воведниот натпревар го игра против селекцијата на Грција (31. јануари, 20 часот), на 1. февруари играме против Сан Марино, а во третото коло се соочуваме со Албанија (3. февруари, 20 часот).

За трите натпревари од турнирот во „Јане Сандански“, селекторот на Македонија, Иван Божовиќ вели дека колективот треба да биде наша најсилна страна, нашиот предводник се надева на победа во трите натпревари и прво место.

„Групата е добра, можеме да се надеваме на прво место, иако нема да биде воопшто лесно. Сан Марино е аутсајдер, Грција е со подмладена репрезентација и нов селектор и тука мислам дека треба да одработиме без големи проблеми. Главната битка ќе ја водиме против Албанија која има квалитетен состав, речиси сите во тимот на албаниците се интернационалци, а засилени се и со бразилец. Во нашиот тим ќе недостасуваат Данило и Мицевски поради повреди, но сметам дека колективот ќе биде на висина на задачата и ќе успееме да оствариме три победи со што би се пласирале во следната рунда која се игра во Украина, а тоа е поповолно за нас, отколку да одиме на мегдан во Романија, против домашната селекција и големиот фаворит Казахстан“, истакна Божовиќ.

Промовирај се

Пополнете ја оваа форма за пријава во која доброволно внесените податоци ќе ви помогнат да се претставите и да бидете препознаени од квалитетен клуб.
МАКФУДБАЛ - ИГРАЧ НА 20 КОЛО: ДАВИД ТОШЕВСКИ (РАБОТНИЧКИ)
25.02.2020
Работнички е во пролетна офанзива, забележа две победи во низа и го напушти последното место на табелата. Лошата есен е минато, после освојувањето на Струга падна и Шкупи на арената „Тодор Проески“, а најзаслужен за триумфот е Давид Тошевски кој ги постигна двата гола.
Види детали